辣椒研究所
手造蒜蓉辣椒醬
家族配方源自潮州 · 傳承三代 · 全人手製造 · 致力研究蒜蓉辣椒醬與食物的完美配搭
辣當然重要，但香氣係不容忽視，所以我哋同樣重視蒜頭嘅重要性！每粒蒜頭都係人手挑選出合乎大小同品質嘅蒜頭，確保質素。然後就係不能夠公開嘅處理蒜頭嘅秘密方法。如果你係淨係追求「死辣」嘅朋友，我哋 「手造蒜蓉辣椒醬」 未必啱你！
平時出街食嘅粉皮好多時都會太薄，冇咩口感。今次同你地介紹呢一隻係叫做 「大地之作健康粉皮」 嘅蒟蒻粉皮， 我平時喺超級市場買，通常係放喺芋絲隔離。本身佢係零卡路里，又唔含澱粉質，減肥食一流。
我會預先將粉皮放喺雪櫃，將包裝拆開之後沖水，然後用筲箕格水。之後落日式麻醬，再加一匙羹我哋嘅「手造蒜蓉辣椒醬」，將佢撈勻基本上就食得。如果食重口味嘅朋友可以落少少豉油，就會更加濃郁。我自己會加啲芝麻令佢更加香。最後隨意加你自己鍾意嘅餸，我通常都會加雞絲、青瓜同埋芫茜。因為屋企冇嘅關係我就落咗日本大葱，一樣咁好食！ 嗰陣蒜香味同埋辣味好刺激，一定冇得輸，零罪惡感，減肥人士一流！亦都係我呢排帶返返公司嘅最佳「涼」物！
